Saturday, February 02, 2008

重蹈覆徹

一個嚴重錯誤,重覆又重覆地犯上,導致損失慘重,上半身努力的,差不多一下子化為烏有,幾十歲人又要由頭黎個。加上一個重要的考驗即將來臨,能過關就一片光明,失敗的就一無所有,但因為這個嚴重錯失,令我忐忑不安,影響我應付這考驗的表現,真希望能改變自己的EQ,改變思維,順利通過這考驗﹗

Monday, May 07, 2007

付出那麼多,還是沒有感動過!
付出真的不夠多,還是根本不懂得去付出。
內心的寂寞又有誰懂,
就算懂又如何?
寂寞的人何止千萬,
看你是否能承受和習慣,
寂寞是痛苦的,
又有誰願意承受和習慣這種痛?!?

Sunday, May 06, 2007

天生一個

最近配了一幅隱形眼鏡,不是為左貪靚,其實老朽已經年老色衰,只係因為隻左眼患左什麼椎形角膜,要配幅硬鏡去矯正視力,隻右眼都有小小近視,個視光師建議我右眼都配幅硬鏡,方便打理,本身想右眼配軟鏡,聽佢所謂專業意見,兩隻眼都配硬既。
一戴就知奶野,好辛苦,標晒眼淚水,場面非常感人,雖然慢慢適應左,但都係唔舒服,第二日即刻戴,帶左幾個鐘,頂唔順,做緊野時除左佢,點知一除唔知飛左去邊,搵極都搵唔到,咁就報銷左隻,無左幾百蚊,好彩係唔見左無乜度數既右眼鏡片,錯有錯著,決定戴一隻眼算,一來唔洗咁辛苦,二來打理都唔洗咁麻煩,一早有咁既決定,就唔洗浪費幾舊水,可憐左眼既鏡,物似主人形,咁快就得番一個,孤苦伶仃,莫非我這個天煞孤星、獨孤常敗,魔力可以影響埋我身邊既野,真可憐。
第二日,淨係戴左鏡,又係頂唔順要除,今次好小心,但係唔知係唔係左鏡淨低一個不想獨活,有輕生既念頭,一除好似跳樓咁跌左落地,如果搵唔返,計番條數,一日無左一千蚊,好彩執得番仲未死得。做乜要咁傻呢?何必呢?
我這個有眼疾既孤獨老人,想起真坎坷。孤單的人孤單一個,失去感覺是最好。

Tuesday, April 24, 2007

有喜

號外!號外!這篇文章是本公司成立以來發佈的第六十篇!客戶可自行驗證。
另外,本公司成立以來,遊覽人數應該突破一百大關,因為板主每次發佈一篇文章,都會至少遊覽一次,加上一些盲魚迷路游過,遊覽人數何止一百。
同時為了預祝本公司一位長期fans(盲魚一號),就快成為老襯,在此亦奉上呢條盲魚既煽情、溫馨、感性同肉麻感人既故事,The love story of Fung & Yan,中文譯做瘋人之戀,http://teddyyan1218.weddingannouncer.com/
為左慶祝這些一連串既盛事,各位來賓可以寫下自己既願望,本公司會有專人幫您實現;另加送板主熊抱一個,即到即得,永無終止。
仲唔快d行動!

Friday, April 13, 2007

大家食,唔好食

曾經有一次,肚餓搵野食,走左入去大家食,
有張相成個豬炳做招牌、做豬人渣面果間,
入去睇餐牌都知無啖好食,
求其叫左碗雲吞面,
點知遲黎個我條茂利叫炸菜雲吞面,
仲快個我有得食,
VIP,定係炸菜要新鮮食,
即叫即食,唔等得。
D火開始黎,已經同班醒目既伙記表示不滿,
個大廚已經比人教訓要跟單煮野,
眼見佢即刻同我炮製我碗靚面,
好快手攪掂,放左係到,
班高級侍應唔知走晒去邊度,
得番一個,仲要接聽電話攪外賣到會,
無人理我碗面,諗住等佢講完電話有得食,
唔知邊位大豪客,落咁鬼多柯打,
睇住碗面無得食,
最後好火滾走出去做埋侍應,
本來我擁有一顆和平和平靜的心,
忿怒令傳說中既傻仔甦醒,
忍唔住,出到去破口大駡班仆街點做野,
好多人望住,之後班友仔見狀,唔知係邊度,
湧左成幾個伙記出黎,好似係d坑渠蓋湧d曱甴出黎咁,
場面壯觀,不過好快班曱甴就四散,
因為根本當時係得我個碗面無人理,係得我無得食。
唔食由自何,一食把幾火,
又爛食,加上咁既服務,
真係想反抬,但係唔知對家係乜料,
因為我係搭枱。
雖然係十五蚊貨仔,但係五蚊都嫌比多佢。
當時應該一早離開,
咁就不至於受這種屈辱。
這樣真的是不是叫無骨氣呢?
對不起,衰肚餓!
大家食,我以後都唔食!

Sunday, March 04, 2007

別要離開我

因為夢見你離開
我從哭泣中醒來
看夜風吹過窗台
你能否感受我的愛
等到老去那一天
你是否還在我身邊
看那些誓言謊言
隨往事慢慢飄散
多少人曾愛慕你年輕時的容顏
可知誰願承受歲月無情的變遷
多少人曾在你生命中來了又還
可知一生有你我都陪在你身邊
當所有一切都已看平淡
是否有一種堅持還留在心間

我真的很喜歡你
財神哥,千萬不要離開我
希望你一直陪到我終老
除左錢之外
一切我都可以歸於平淡
我會繼續堅持
中一次六千萬

Saturday, February 03, 2007

真的

別再愛不愛你的人
別相信最甜蜜時候所許下的承諾
別讓回憶停留在此刻
愛過就別後悔
只能相信彼此真的相愛過