Friday, April 13, 2007

大家食,唔好食

曾經有一次,肚餓搵野食,走左入去大家食,
有張相成個豬炳做招牌、做豬人渣面果間,
入去睇餐牌都知無啖好食,
求其叫左碗雲吞面,
點知遲黎個我條茂利叫炸菜雲吞面,
仲快個我有得食,
VIP,定係炸菜要新鮮食,
即叫即食,唔等得。
D火開始黎,已經同班醒目既伙記表示不滿,
個大廚已經比人教訓要跟單煮野,
眼見佢即刻同我炮製我碗靚面,
好快手攪掂,放左係到,
班高級侍應唔知走晒去邊度,
得番一個,仲要接聽電話攪外賣到會,
無人理我碗面,諗住等佢講完電話有得食,
唔知邊位大豪客,落咁鬼多柯打,
睇住碗面無得食,
最後好火滾走出去做埋侍應,
本來我擁有一顆和平和平靜的心,
忿怒令傳說中既傻仔甦醒,
忍唔住,出到去破口大駡班仆街點做野,
好多人望住,之後班友仔見狀,唔知係邊度,
湧左成幾個伙記出黎,好似係d坑渠蓋湧d曱甴出黎咁,
場面壯觀,不過好快班曱甴就四散,
因為根本當時係得我個碗面無人理,係得我無得食。
唔食由自何,一食把幾火,
又爛食,加上咁既服務,
真係想反抬,但係唔知對家係乜料,
因為我係搭枱。
雖然係十五蚊貨仔,但係五蚊都嫌比多佢。
當時應該一早離開,
咁就不至於受這種屈辱。
這樣真的是不是叫無骨氣呢?
對不起,衰肚餓!
大家食,我以後都唔食!

1 Comments:

Anonymous teddy_suen said...

呢間野好似好出名咁...
但係其實都不外如是...
呢間野長期搵佢地老闆做mug頭...
見到個老闆o既樣都無胃口食野啦...

8:22 PM

 

Post a Comment

<< Home