Sunday, May 06, 2007

天生一個

最近配了一幅隱形眼鏡,不是為左貪靚,其實老朽已經年老色衰,只係因為隻左眼患左什麼椎形角膜,要配幅硬鏡去矯正視力,隻右眼都有小小近視,個視光師建議我右眼都配幅硬鏡,方便打理,本身想右眼配軟鏡,聽佢所謂專業意見,兩隻眼都配硬既。
一戴就知奶野,好辛苦,標晒眼淚水,場面非常感人,雖然慢慢適應左,但都係唔舒服,第二日即刻戴,帶左幾個鐘,頂唔順,做緊野時除左佢,點知一除唔知飛左去邊,搵極都搵唔到,咁就報銷左隻,無左幾百蚊,好彩係唔見左無乜度數既右眼鏡片,錯有錯著,決定戴一隻眼算,一來唔洗咁辛苦,二來打理都唔洗咁麻煩,一早有咁既決定,就唔洗浪費幾舊水,可憐左眼既鏡,物似主人形,咁快就得番一個,孤苦伶仃,莫非我這個天煞孤星、獨孤常敗,魔力可以影響埋我身邊既野,真可憐。
第二日,淨係戴左鏡,又係頂唔順要除,今次好小心,但係唔知係唔係左鏡淨低一個不想獨活,有輕生既念頭,一除好似跳樓咁跌左落地,如果搵唔返,計番條數,一日無左一千蚊,好彩執得番仲未死得。做乜要咁傻呢?何必呢?
我這個有眼疾既孤獨老人,想起真坎坷。孤單的人孤單一個,失去感覺是最好。

3 Comments:

Anonymous teddy_suen said...

非也非也(天龍八部"包不同"語錄)
我想...你幅硬野都係物似主人型...
想送舊迎新...日日換新畫...
所以你戴左一日幅硬野就扮唔小心咁跌左去..
不過無所謂啦...你咁有錢..又有才華...
跌左一幅...乜換過一幅新囉...
再唔係出錢請個人幫你睇野...再話俾你知..
咁就唔使帶眼做人都得啦...

7:46 PM

 
Anonymous teddy_suen said...

再補充一句...
你個topic唔應該叫"天生一個"
應該叫"日日換畫"先係...

7:47 PM

 
Anonymous Anonymous said...

個topic唔係應該係'物似主人型,好硬呀'!

10:29 PM

 

Post a Comment

<< Home