歐冠又開波

星期三，歐冠又開波啦，世紀大戰巴塞大戰車路士，上屆係朗拿甸奴出色演出下，巴塞仍以一球飲恨，今屆希望佢地復仇成功。朗拿甸奴真係犀利，無佢既巴塞連輸兩場，佢一復出，就五個一皮清脆地贏波，當今球壇可以以一人之力影響成場球賽，我諗就只得佢、施丹、李健和同歐偉倫，前兩個就係為球隊帶來勝利，後兩者就為球迷帶來歡笑，當世球王朗拿甸奴真係當之無愧。