際遇

每個人既一生，都有唔同既際遇，一次機會，就烏鴉變鳳凰，當然這個人本身係有本事，好似Lee Ang就係一個好例子，讀完書六年無工開，開飯都成問題，但係佢既堅持，終於等到斷背山，真係可以話苦盡甘來，光宗耀祖。但其實擁有好像Lee Ang才華既人大有人在，但可能無這個機會，一世寂寂無名。所以一有機會，就要好好把握。仲有Lee Ang 既堅持真係好佩服，六年無工開，係香港六個月無工開，好多人都好困擾，包括身邊的人。或者失業係台灣係一個好普遍既問題。
我係報紙又見到一個相反例子，一個原本係一間大公司擔任行政總裁，生活無憂，但因為公司重組，雖要裁員，之後佢一直搵唔到工，就算降低要求搵份七千蚊既工都無人請，賣車賣樓都唔掂，真係好慘。所以人既一生，真係變幻莫測。

八強

今年歐冠八強，又係有三支意大利球隊，唔係佢地好波，係佢地打得穩陣，加上祖記有幸運之神眷顧，令今屆歐冠又係悶蛋足球既天下，雲達都係輸係龍門手上，唔係果球，德國都會有支入八強，加上佢大打進攻足球，悅目性可觀得多，真係有點可惜。

官僚

官僚架構好定唔好，大部份人都好討厭，因為你唔係佢地既其中一份子，只要你有幸成為當中的一員，你會開心死。我有個14k朋友，佢就好幸運成為當中成員，佢有份簽名倒田，關乎自身利益，理佢倒史、倒廖，這都是人之常情。

復仇

巴塞係細哨帶領之下，終於報回上一年出局之仇，兩回合三比二趕車仔出局，真係大快人心。希望佢地今年係最終既冠軍。今年好多波好攪笑，都係最後個兩三分鐘發生，好似雲達既龍門就由英雄變狗雄，成場英勇無比，但係一球既失誤，就令成隊由天堂變番落地獄，呢球真係值錢，唔知值幾多億歐元，祖記真係多謝晒，為報答呢球，遲d請番雲達食pizza。

等待

等，寂寞到夜深，夜已漸荒涼，夜已漸黑暗。