Saturday, February 26, 2005

燥狂症

新年係特別多人去銀行入錢,好多阿媽一年係呢個時候幫d仔女入利是錢,所以好多成年都無郁過個戶口,變成不動戶,真係麻煩。一問佢地借張身份證,好多阿叔都會發癲。都唔知點解d人咁介意比身份證人睇,又唔係非法勞工、非法入境者,定係張相影得衰唔見得人,佢d資料基本上係電腦已經紀錄晒,我諗樣衰係主要既原因。可能佢地覺得好人好者,比人睇身份證,好似比差人查一樣,好無面,會比人誤會係賊咁。

Wednesday, February 23, 2005

鬧爆你

做服務性行業,比人鬧係無可避免,今日有幸可以一試,真係刺激。
今日都唔知係好彩定係黑仔,個客開頭個樣都好善良,但係可能我處理既時間太長,加上佢既交易要比主任核實,所以需要一點時間,佢開始有點不耐煩,當所有步驟差不多完成既時候,交易可以完成之際,係入電腦既一刻,點知發現佢既戶口一年無活動過,根據情序,我要佢出時生份證及回答我一些簡單既問題,問題就係由咁依黎,佢終於發火啦,大大聲係度鬧我,問我識唔識做、做乜要攪咁多野、又叫我去再training,我只好當佢係度唱歌,無計,做呢行,預左。但係經理唔知係有事定係咁橋,我一比人鬧,佢就走左入房,唔知佢係唔係準備班馬,定係諗住幫我報警呢?

Monday, February 21, 2005

Family day

星期日,阿爸休息,同屋企人去飲下午茶,好多人,一張枱,有三批人,真係誇張。不過d野係好平,灌湯姣都係$6.8,不過就無以前貴果d咁好食;沙翁熱辣辣,都幾好食,我諗隻肥鵝會鍾意食,好想同佢一齊飲下午茶。依家d香港人係要平、靚、正,生意越來越難做。酒樓多,價錢平,好多酒樓都隨時執粒,農歷新年有一間有四間分店的連銷酒樓,個老闆走左佬,之後d經濟學者話遲d酒樓淡季,仲有好多會執粒。咁係啦,咁鬼平,點做呀。
因為凍,夜晚所以打鞭爐,不過無龍蝦丸。今日食左好多野,間唔中係咁都幾好,不過餐餐係咁就太過份,又唔健康。

Sunday, February 20, 2005

夢中人

從她的夢中,知道她的desire,日有所思,夜有所夢。被愛慕的其實是多麼的幸福,令人羨慕,我是否也是其中的一個呢?也許也沒有甚麼特別的回憶,令我在她夢中出現,平凡就是這樣。

Wednesday, February 16, 2005

Angel回歸

二月十五日 今天是星期二,是Angel回歸之日,但係是我地受苦之時,個名同個人淨咁遠。今日佢一返黎,又話叫我唔洗上counter住,主力做clerk既工作。又要重新學個晒d野,都唔知係唔係好事,依家我變左超級打雜,乜都關我事,乜都要負責,但係樣樣都未精。今日突然比Angel叫去頂counter,毫無心理準備,好似d賣藝不藝身既風塵女子,突然被迫去接客,非常緊張。但係我又好識揀客,揀d易接既客。但係避無好避,接左個麻煩客,問長問短,問d我唔清楚既野,問師傅,佢又烏sir sir,老點我,攪到要Angel出馬,然後係放工開會講,如果唔識,要問人,唔好老作,佢係話我定係我既師傅呢?又鬧我地唔夠quota,要寫份report比佢,放完假返黎,好耐未鬧過人,今日一次過發洩晒出黎,堅城從此多事啦