Thursday, December 29, 2005

台北之旅(酒店篇)

十二月十六出發,大約兩個鐘到達中正機場,這邊對換台幣價比香港高,之後便乘坐飛狗,大約一粒鐘到達我們的第一個目的地,no. 1 大飯店。嘩!酒店背後龜裂既牆身,都知心知不妙,上到樓發現一層有好多房間,簡直就是籠屋式既酒店格局,但價錢係收四星級既價錢。入到房間,細到嚇屎人,設備又殘舊,廁所真係入左去連門都開唔到,入面仲要係密封果隻,無窗不見天日,位置又唔方便,要步行大約十五分鐘先到地鐵站。不過日夜都有免費音樂播放,係無得選擇下一定要聽,晨早聽人演奏激昂的二胡獨唱,凌晨又有悽怨的歌劇,我諗係呢度其中一樣既selling point,這間真係no. 1正既酒店。好彩最後一晚係北投溫泉之旅,我們入住水美酒店,環境一流,間房我想係no. 1 的兩三倍,淨係個廁所我想都係no.1 間房的size,設備齊全又整潔,又近地鐵站,仲有溫泉浸,真係perfect。可惜係最後一晚,真係水尾,好野要去到最後先有,真係有d唔捨得。希望下次可以去多一次。

Tuesday, December 27, 2005

聖誕快樂

今年聖誕極具紀念價值,這一天我一身一世也不會忘記。

Friday, December 23, 2005

朋友

十二月十日零晨,係人生感到最孤獨同痛苦既時候,成個人都感到好凍、怕黑同不想靜下來,只想到處搵人傾訴。曾經把他當成好朋友的一個,居然在這時候講出一些不知所謂的說話,原來真心朋友真的沒有幾個,這個人已經在我一切記憶中deleted。真的想和他說一句,收皮啦,扒街。

Wednesday, December 21, 2005

緣份

出發同離去都是坐同一架巴士、同一個司機、同一班路人甲乙丙,一切都很巧合;當初和她也是基於很多的巧合。就在那天開始,才有今天的巧合,這一切是否就是緣份呢?

一切由零開始

下定決心,一切從新開始,雖說有心唔怕遲,但俗語都有云:萬事起頭難;可能會舉步維艱,也不知道會去到多遠,只知要努力向前,希望真的不會太遲。

Thursday, December 08, 2005

女人

你別總提 你這關係 有多複雜多可怕
看她多一眼 想說再見 感覺到不耐煩
煞有其事 卻說不出原因 真的莫名其妙
其實她也很耐心 體貼 溫柔
只是你從沒有到過維納斯世界
你 你要對你的女人好 不要總說她不好
千萬不要 隨便愛一個甩一個 
你 你要對你的女人好 
不要總說她不好
千萬不要 隨便愛一個甩一個
你別總提 你這關係 有多複雜多可怕
稍有時間 不是翻臉 就是無聊磨擦
怎麼小事變成了大問題 怎麼什麼都計較
其實你不夠耐心 體貼 溫柔
只是她不放在心裡 沒有介意過

Monday, December 05, 2005

世界盃又黎啦

世界盃下年又黎啦,係德國舉行,呢個世界盛事,真係想去感受一下現場氣氛,玩下人浪,又可以去德國旅行,食下香腸,飲下啤酒,都幾過癮。不過想買到飛都好難,係決賽果隻。

Sunday, December 04, 2005

新世代球王

廿五歲的巴西國腳朗拿甸奴近年人氣最旺,超卓的技術被喻為繼比利和馬納當拿後,唯一能將足球從「天堂帶回人間」的球員,而李健和就將足球從人間帶回天堂,歐偉倫就將足球從地獄帶回人間。自從馬納當拿後,真係無一個球員能稱得上球王,朗拿度極其量只能算是個射手,但狀態唔穩定,又鍾意溝女,高峰維持好短暫又已過。施丹都接近球王級數,但細哨既出神入化既球技加上衝鋒陷陣能力,真係令人嘆為觀止。相比細哨,施丹又好似缺少一種魅力同野性。

Saturday, December 03, 2005

如果菜

如果有人肯食菜,身體自然會更健壯,加埋運動同休息,咁隻熊就會更加愛。如果愛……食菜。