難忘台北之旅

台北之旅正式開始，這裏有很多食街，又平又大件，香港就比較少。出名的食檔，真係那一段時間都是排晒長龍。在西門町的阿宗面線，真係由朝排到晚。這裏的面線買相有點似碗仔翅，不過味道卻不同。這裏還有一些其他街頭小食，又有鴨舌作手信，還有好多商店，住酒店可以考慮住在這裏，因為真的很方便。士林街、饒河街、其實都係好相似的食街，大大件雞件，抵食夾大件既鐵板餐，總之好多野食。不過有檔買胡椒餅，大排長龍，不過我試過又唔覺有甚麼特別。這裏還有Minster Donut，又係由朝排頭晚，這間商店香港是沒有的，款式真係好多，好好味，波堤獅真係好好食，他的做形真係好得意。
旅遊點有去過101，藝術館、九份、淡水、美麗華商場、誠品書店等。時間不多，所以有很多地方沒有去。如果時間不夠，九份可以不去，因為車程太遠，其實風景只是一般。誠品商店，真係好大，他的旗艦店，真的很大，有幾層樓高，在這裏磨書釘，一日可能也不夠，可像我很少行書店，都覺得好好行，好多野睇。台北有很多地下商店，由一個捷運站伸延到下一個站，盡量利用可用的空間。有些地方真的不錯，漁人碼頭真係好靚好浪漫，不過這次旅程就……。
至於手信方面，因為忘記係酒店訂維格，所以等登走去全台唯一的維格商店買，佢既地點都好難搵。另外都好出名既義美蜂蜜蛋糕，周圍都搵唔到分店，又要特登行好遠先買到，但最後發現果邊頂好即係我地既惠康都有得買，真係頂……好。
這裏還有好多有趣的東西，就好像廁所沖廁時有分大小，還有男廁所裏，男仕在小解時，可以看到一些勉勵字句，其中一句是『斧頭雖小，但只要努力的砍，終能把壯大的紅樹砍斷』，雖然好有意義，但在小解時候，見到頭一句的時候，會令人有所誤會，以為他在說甚麼雖小添。
旅程最後一日，係新北投溫泉之旅，這裏有好多露天溫泉，周圍都係好多蒸汽冒出，環境都很清幽，真係好舒服，好唔捨得。
這個旅程每一個片段都會留在我腦海中，有笑有淚，永遠難忘。

朋友上電視

呢排其實都無乜點睇電視，但係突然間聽度套劇集一個角色個名好熟，原來係迷情家族裏面，林韋辰飾演的甘草茄喱啡，個名同我朋友一模一樣。正常一套戲，比你睇晒成套，你都未必知道主角叫乜名，何況係甘草茄喱啡，但係佢呢個角式好攪笑，好似好想突出佢個名，佢段對白好似宣誓一樣，我xxx乜野乜野，之後又有一班人鬧佢xxx你正一人渣，唔知係我個friend個名普通，定係佢得罪左個編劇，咁大整蠱。所以如果身邊有d係做編劇既朋友，千其唔好得罪佢，如果唔係，你個名就會為嗅萬年。至於我既friend叫乜名，咁你地自己去睇下啦，不過當你地睇到呢篇文既時候，林韋辰呢個角色好以已經屎左。而我既朋友現在身處大洋洲與袋鼠為伍，如果比佢睇到，實笑死佢。朋友，講咁你呀！

水瓶座

旺角好景有一間café，男仕們一定識去。這裏環境不錯，裏面光線柔和，仲有一點昏暗，看不清楚自己的食物同朋友，不過都算幾有情調和幾浪漫。有露天座位，不過冬天可能會比較凍，而且光線會進一步昏暗。
食物方面，係café來講算不錯，五分之中佢有四分，款式不是次次相同，環境都算寧靜，這裏還可以包場，一大班朋友可以在這裏開p。
我的理想也希望可以開番一間café，金牛座同巨蟹座，各樣擺設同餐具都有自己既設計，到時希望生意興隆啦。

BIG MONKEY

係聖誕淨係睇過金剛，呢套集詩史式愛情、功夫、人獸戀、旅遊特輯同喜劇於一身，不過故事內容則比較牽強。首先講個導演唔知點解，未經老闆批准，一定要去個荒島拍戲，冒住比人拉既危險，只係為左攞個靚景，制作真係相當認真。之後到左個荒島，經歷死裏逃生，大家準備離開呢個島，班友仔為了救一個女主角，其實佢地同女主腳都唔係好熟，成班甘願再冒險入去救人，最後硬係救番個女主腳，但係就屎左十幾條友，套戲就係想講比你知，主腳同配腳既分別。之後有好多搞笑野，金仔一個打三隻恐龍，ｄ功夫好利害，真係好似成龍作品咁。最後金仔唔小心比人用哥羅芳迷暈左，捉左去做show，但係成個島都係恐龍，捉隻動物園都有既猩猩，都唔捉已經絕左種既恐龍，可能貪金仔淨係鍾意食蕉。其實基本上套戲都幾精彩，係我無聊吹吹水，這套戲都可以值得一睇。

順其自然

雖然未來我不知道，現在說再見會不會太早。

新的一年

2006又到，又一年，大假又放完，工又要返，所有的東西又要重新開始。真係零六祝福你，希望有個新開始，新年快樂。